Манчестер Јунајтед во потрага по нов менаџер: 12 кандидати во игра
Манчестер Јунајтед е во потрага по својот седми менаџер откако Сер Алекс Фергусон се повлече во 2013 година, по отказот што во понеделникот го доби Рубен Аморим.
Поранешниот фудбалер на клубот, Дарен Флечер, привремено ќе ја преземе клупата и ќе го води тимот на претстојниот премиерлигашки натпревар на гости кај Барнли, како и на дуелот против Брајтон на „Олд Трафорд“ во рамки на третото коло од ФА Купот.
Сепак, извори за ESPN откриваат дека раководството на Јунајтед сè уште нема конечна одлука дали веднаш да назначи нов постојан менаџер или да почека до летото. Тогаш, по завршувањето на Светското првенство во организација на ФИФА, се очекува на пазарот да се појават повеќе звучни тренерски имиња.
Кои се најсериозните кандидати за клупата на „Олд Трафорд“? Манчестер Јунајтед наводно разгледува две пократки листи – една за итно решение и друга доколку клубот реши да почека до крајот на сезоната 2025/26.
