На 19 февруари 2021 година почина „панонскиот морнар“ Ѓорѓе Балашевиќ.
Откако почина од компликации предизвикани од коронавирус, Ѓорѓе Балашевиќ беше погребан на гробиштата „Лисје“ во Нови Сад, во кругот на најблиското семејство.
Телото од капелата го испратија тамбураши со песната „Ацо брацо“, потоа продолжија со „Мала риѓа“, додека на самото гробно место ја отсвиреа „Оливера“.
Легендарниот Ѓоле освен како лиричар кој ги пее најинтимните балади, ќе остане и запаметен како огромен критичар на општеството кое беше и е во распад од деведесеттите со крвавата југословенска драма, па сè до денес. Неговите рефрени се честа музичка подлога на секој протест и акција на активистите кои се борат за правно и правично општество.
