Влатко Лозаноски – Лозано повторно ја освојува публиката со нов музички проект. Неговата најнова песна „Купи ме“ од денес е достапна на YouTube и уште со првите слушања го привлекува вниманието со динамичен ритам и силна емоција – заштитен знак на Лозано.
„Купи ме“ носи модерен поп-звук, впечатлива мелодија и искрен текст што лесно допира до слушателите. Темата на песната ја истражува љубовта без калкулации, желбата да се биде избран со срце и вистински чувства, порака која Лозано умешно ја претвора во музичка приказна.
